За првпат после 17 октомври 2017, Флорида Пантерс запишаа домашен триумф над Ст. Луис Блус, откако синоќа славеа со фиктивни 4-3 после пенали.
И двете екипи, во текот на регуларниот дел, постигнаа по еден гол во секоја третина со тоа што Блус трипати поведуваа, а Пантерс трипати го израмнуваа резултатот.
Сепак, Флорида заслужено дојде до триумф во пенал-серијата, пред сè поради подобрата игра, која се истакнуваше со вкупно 51 шут.
Заклучно со пеналите, за победничката екипа, голгетери беа Максим Мамин (х2), Сем Рајнхарт (х2) и Антон Лундел, додека за гостите стрелаа Логан Браун (х2), Џејк Волман и Брендон Саад.
Со новите два бода, Флорида остана на првото место на Истокот, додека Ст. Луис ја зазема петтата позиција на Западот.
