Тампа Беј Лајтнинг се квалификуваа во второто последователно финале, каде што ќе се обидат да ја одбранат титулата против Монтреал Канадиенс.
Во полуфиналната ,,мајсторка”, Лајтнинг го искористија домашниот терен и ги поразија Њујорк Ајландерс со минимални 1-0.
Клучен момент на мечот беше исклучувањето на Беркли Гудроу на почетокот на втората третина.
Иако имаа играч помалку, Лајтнинг успеаја да ја затресат мрежата на Семјон Варламов преку Јани Гурд.
На голот на победничкиот состав беше Андреј Василевски, кој го запиша четвртиот шут-аут во тековниот плејоф со 18/18 одбранети удари.
Првиот меч од финалето е закажан за вечерта помеѓу 28 и 29 јуни со почеток од 02.00 часот после полноќ.
