Во пресрет на новата НРЛ сезона, екипата на Нов Зеланд Вориорс го назначи Ендру Вебстер како свој генерален менаџер.
Ерата на Австралиецот во новата средина започна на победнички начин, откако во првото коло, ,,Воините” триумфираа над Њукасл Најтс со 20-12.
На мечот, Најтс водеа со 0-6 и со 10-12, но не успеаја да ја одбранат предноста, пред сè поради одличните дефанзивни реакции на домаќините во последните петнаесет минути.
За Њукасл, Џексон Хастингс погоди две конверзии, а по еден есеј постигнаа Лахлан Фитцгибон (1′) и Хајмел Хант (45′).
На спротивната страна, Шон Џонсон беше половичен од шутевите за два поени (2/4), а од неговите соиграчи, топката во противничката енд-зона ја внесоа Едвард Коси (25′), Банти Афоа (29′), Чарнзи Никол-Клокштад (51′) и Вејд Иган (73′).
