Изедначеноста помеѓу Монтреал Канадиенс и Вегас Голден Најтс е евидентна, поради фактот дека два последователни дуели завршуваат со продолжение.
Имено, синоќа, Вегас израмни на вкупни 2-2, откако после продолжение триумфираше во Канада со 1-2.
Во последната минута од втората третина, Монтреал го отвори резултатот преку Пол Бајрон, кој погоди за 1-0.
Во третиот период, Брејден МекНеб израмни на 1-1 со првиот овосезонски погодок во плејофот, додека после една дополнителна минута, Никола Рој стрелаше за пресврт и за победа на клубот од Невада.
Исто така, одличен на голот на Вегас беше голманот Робин Ленер со 27/28 одбранети шутеви (96,43%).
