После десет одиграни кола од новата НФЛ сезона, ниеден тим не успеа да го задржи својот стопроцентен учинок.
Имено, синоќа, иако важеа за огромни фаворити, Филаделфија Иглс го запишаа првиот пораз.
Екипата што ја прекина победничката низа на ,,Орлите” беше Вашингтон Командерс, која славеше со 21-32.
Филаделфија добро го започна мечот, но дозволи серија од 16-0 на гостите во втората и во третата четвртина, кои, после неизвесен финиш, дојдоа и до тачдаун во последната секунда.
За Иглс, Џејлен Хуртс освои 175 јарди од 17/26 обиди, а освен него, од неговите соиграчи, тачдаун имаа ДеВонта Смит и Далас Годерт.
На спротивната страна, Тејлор Хајники имаше 211 јарди од 17/29 прецизни додавања, а од нив, дури 128 освои Тери МекЛорин.
Сепак, во противничката енд-зона, со трчање топката ја внесоа Брајан Робинсон Џуниор и Антонио Гибсон, а во финишот поентираше уште Кејси Тухил.
Во Националната конференција, Вашингтон (5-5) изби на осмото место, а Филаделфија (8-1) остана на првата позиција и покрај поразот.
