Ванкувер Кенакс ги задржаа шансите за пласман во плејофот на НХЛ со синоќешната победа од 1-5 над Вегас Голден Најтс.
Домаќините од Невада го отворија резултатот во тринаесеттата минута, благодарение на Џек Ајхел, кој беше единствен што го совлада голманот Тачер Демко.
Демко, накрај, го заврши натпреварот со 33/34 одбранети шутеви, односно со процент на одбрани од 97,06%.
До крајот на првата третина, Кенакс поведоа со головите на Бо Хорват и на Бред Ричардсон во интервал од само осумнаесет секунди.
Во наредните два периоди, Голден Најтс беа подобар тим, но сепак гостите од Канада дојдоа до нови три погодоци – два на Елијас Петерсон и еден на Танер Пирсон.
Во Западната конференција, Вегас е деветти со 82 поени, а Ванкувер ја зазема единаесеттата позиција со 76 бодови.
