Со шестата победа на последните седум пресметки, Атланта Хокс обезбедија место во плеј-ин фазата од НБА.
Синоќа, ,,Јастребите” беа подобри на домашен терен од Вашингтон Визардс со 118-103.
Од самиот почеток, па сè до завршницата на третата третина, резултатот беше неизвесен, но во финишот, Атланта дојде до двоцифрена предност.
Од победничките редови, дабл-дабл постигнаа двајца кошаркари, Тре Јанг (30 поени и 11 асистенции) и Данило Галинари (26 поени и 10 скокови), а уште 18 кошеви додаде Србинот Богдан Богдановиќ.
Кај Вашингтон, две двоцифрени статистики имаше Криштапс Порзингис (26 кошеви и 18 скокови), кој беше најефикасен од своите соиграчи.
Во Источната конференција, Атланта (42-38) го држи осмото место, додека Вашингтон (35-45) е дванаесетти без шанси за доигрување.
