Откако Брус Будро застана на тренерската позиција на Ванкувер Кенакс, составот од Британска Колумбија поврза три победи.
Последната од нив беше изборена синоќа на домашен терен, кога Кенакс славеа после пенали (4-3) над Винипег Џетс.
Во регуларниот дел, победничкиот состав трипати поведуваше, додека гостите од Винипег трипати израмнуваа за да се дојде до нерешениот исход после шеесет минути игра.
За Џетс, во листата на стрелците се запишаа Блејк Вилер, Кајл Конор и Марк Шајфеле, додека за Кенакс двапати стрелаше Нилс Хогландер, а еднаш – Конор Гарланд.
Во пенал-серијата, двете екипи изведоа по три удари, а единствен, кој успеа да постигне гол беше Елијас Петерсон.
На табелата на Западната конференција, Ванкувер се наоѓа на тринаесеттото место, додека Винипег ја зазема осмата позиција.