Во ретки случаи од тековната НБА сезона, екипата на Њу Орлеанс Пеликанс се стекнала со улога на фаворит во пресрет на еден НБА дуел.
Сепак, синоќа, во дербито на дното, Пеликанс како фаворити славеа над Детроит Пистонс со 109-93.
Во текот на втората четвртина, Детроит имаше максимални +15 во своја корист, но оттогаш, натпреварот почна да се одвива во спротивната насока.
Кај домаќините, освен најефикасниот Брендон Инграм (26), со дабл-дабл се истакнаа Јонас Валанчиунас (17 поени и 11 скокови) и Џош Харт (14 поени и 13 скокови).
Од редовите на Пистонс, најмногу кошеви постигнаа Треј Лајлс (18) и Кејд Канингем (16).
На табелите во своите конференции и двете екипи сè уште ги заземаат последните позиции.