Католичкиот Велигден во Франција беше одбележан со велосипедскиот ,,монументал” наречен ,,Париз-Рубе”.
Имено, оваа година беше одржано јубилејното 120. издание на трката, која традиционално заврши на велодромот во градот Рубе.
На првата позиција се пласираше Матје ван дер Поел (5:28:42), кој и’ го донесе на Холандија осмиот триумф на делницата од речиси 260 километри со ново најбрзо време.
За ван дер Поел, ова беше тринаесетта еднодневна победа и втора во 2023, по освојувањето на ,,Милано – Санремо” пред неполн месец.
Во директната борба за второто место, Јаспер Филипсен (+0:46) отспринта за двојно славје на ,,Алпесин-Декојнинк Венкер”, оставајќи го на третото место Воут Ван Аерт (+0:46).
Ван Аерт беше еден од главните конкуренти за победа, но поради дупнување на гумата, беше приморан да надоместува заостаток.
Од останатите велосипедисти, под една минута доцнеа Мадс Педерсен (+0:50), Штефан Кунг (+0:50) и Филипо Гана (+0:50).
На петнаесет километри пред крајот, Џон Дегенколб доживеа пад по контакт со гледач и накрај мораше да се задоволи со седмата позиција, а во првите десетмина се најдоа уште: Макс Валшајд (+03:31), Лоренц Рекс (+03:35) и Крис Лапорт (+04:11).
