Минатата сезона, Есендон Бомберс завршија на петнаесеттото место од вкупно осумнаесет екипи во АФЛ.
Во пресрет на новото првенство, на клупата на ,,Црвено-црните” седна Бред Скот, кој досега запиша три триумфи на четири средби.
Имено, во четвртото коло, Бомберс ги совладаа ГВС Џајантс во Мелбурн со резултат од (11.22) 88-75 (11.9).
Во неизвесно прво полувреме, гостите беа за нијанса подобар ривал, но на преминот помеѓу третата и четвртата четвртина, домаќините направија победничка серија од 33-0.
За нив, најефикасни поединци беа Џејк Стрингер (4.6) и Ник Мартин (2.1), кои искомбинираа за 43 поени.
На спротивната страна, двоцифрен поентерски учинок имаа Хари Химелберг (3.0), Тоби Грин (2.2), Џош Кели (2.1) и Калан Ворд (2.1).
На табелата, Есендон скокна на третото место, додека Џајантс паднаа на четиринаесеттата позиција.
