По изненадувачкиот пораз пред два дена од Вашингтон Визардс (149-146), Бруклин Нетс веднаш се вратија на победничките патеки.
Имено, претставниците на Њујорк, во дербито на денот, ги добија ЛА Клиперс со 124-120.
Во текот на цело прво полувреме, Клиперс имаа резултатска позитива што во неколку наврати беше и двоцифрена, но Нетс го возвратија ударот во третата и во четвртата четвртина.
Триото на Бруклин повторно беше најзаслужно за новиот триумф, со тоа што Кајри Ирвинг беше најефикасен на мечот со 39 поени. Кевин Дурант уфрли 28 кошеви, а Џејмс Харден имаше трипл-дабл од 23 поени, од 11 скокови и од 14 асистенции.
Кај Клиперс, најпрецизни беа Кавај Ленард и Пол Џорџ со 33, односно со 26 постигнати поени.
Со новиот триумф, Нетс (14-9) останаа на второто место на Истокот, додека Клиперс (16-6) ја делат втората позиција на Западот со градските ривали – ЛА Лејкерс.
📸 nba.com
