Дербито на Западната дивизија, во рамките на синоќешната НХЛ програма, го одиграа Колорадо Аваланш и Минесота Вајлд.
Имено, домаќините од Денвер го запишаа четвртиот триумф на последните пет средби, откако славеа над Минесота со 2-1.
Предност од 2-0 на Колорадо му донесоа Логан О’Конор во првата и Валери Ничушкин во втората третина.
Во втората половина на вториот период, во момент кога Минесота имаше играч повеќе на ледената плоча, дебитантот Кирил Капризов го постави конечниот резултат.
На табелата на Западната дивизија, Аваланш го делат првото место со Ст. Луис Блус, а Минесота е трета со три поени заостаток.
📸 nhl.com
