Њујорк Ренџерс се наоѓаат во одлична мини-серија од два добиени натпревари со вкупна гол-разлика од 13-0.
Во рамките на неделната НХЛ програма, ,,Ренџерите” триумфираа убедливо со 7-0 против Нешвил Предаторс.
После првата третина, резултатот веќе гласеше 6-0, откако домаќините реализираа 6/12 шутеви, на кои им додадоа уште еден гол во вториот период.
Двоен стрелец за победничкиот состав беше К’Андре Милер, а по еднаш реализираа уште Филип Хитил, Мика Зибанеџад, Тајлер Мот, Артеми Панарин и Крис Крајдер.
Домашниот голман, Јарослав Халак, го запиша првиот шут-аут во сезоната, а воедно и во дресот на Ренџерс, одбранувајќи 22/22 противнички удари.
