Во рамките на синоќешната НХЛ програма, Њујорк Ренџерс ги поразија Детроит Ред Вингс со 4-0 и дојдоа до петтата победа на последните шест средби.
На мечот, домаќините беа драстично подобар состав и заслужено дојдоа до двата бода.
Во првата и во втората третина, во листата на стрелците за Ренџерс се запишаа Мика Зибанеџад и Френк Ватрано.
Во третиот период, двапати мрежата на Томас Грајс ја совлада првиот пик од 2020 – Алексис Лафрение.
На голот на претставниците на Њујорк стоеше Игор Шестјоркин, кој дојде до четвртиот овосезонски шут-аут со 20/20 одбранети шутеви.
Во Источната конференција, Ренџерс го заземаат третото место, додека Детроит се наоѓа на единаесеттата позиција.
