Во дваесет и седмото дерби на австралиската сојузна држава Квинсленд, НК Каубојс го запишаа деветтиот овосезонски триумф.
Имено, во увертирата на тринаесеттото коло на НРЛ, ,,Каубоите” славеа над Голд Коуст Титанс со 6-32.
Во првите дваесеттина минути игра, сè одеше поволно за домаќините, кои водеа со 6-0, но до крајот, гостите направија убедлива серија од 32-0 и ја оправдаа фаворитската улога.
Од домашните редови, есеј постигна Тоби Секстон (15′), а шутот за два поени, успешно го изведе Џермејн Исаако.
На спротивната страна, 4/6 конверзии погоди Скот Дринквотер, а топката во противничката енд-зона ја внесоа Хеилум Луки (27′), Мареј Таулаги (30′), Хамисо Табуаи-Фидоу (35′, 72′), Рис Робсон (68′) и Пета Хику (76′).
На табелата, НК Каубојс останаа на третата позиција, додека нивните ривали се наоѓаат на претпоследната позиција.
