Вегас Голден Најтс дојдоа до петтиот триумф во низа, откако синоќа ги поразија Њујорк Ајлендерс со 3-4, односно после пенали.
Голден Најтс водеа со 0-1 и со 1-2, пред да влезат во резултатски дефицит на две минути пред крајот, но успеаја да израмнат во последните 48 секунди.
Во дополнителниот период, Ајлендерс во потполност ги надиграа ривалите, но во пенал-серијата, среќата застана на страната на гостите.
Стрелци за составот од Њујорк беа Брок Нелсон, Кифер Белоус и Жан-Габриел Пажо, додека за ,,Златните витези” погодија Џонатан Маршесолт и Шеј Теодор (х2).
Токму Теодор беше прецизен и од пенал во првата серија, заедно со Никола Рој, кој ги однесе двата бода во Невада.
Во Источната конференција, Ајлендерс го држат тринаесеттото место, додека Вегас ја дели првата позиција на Западот со Минесота Вајлд и со Анахајм Дакс.
