Синоќа, за првпат после 22 февруари 2016, Чикаго Булс ги поразија ЛА Лејкерс на домашен терен, славејќи со 115-110.
Чикаго имаше подобра игра во првото полувреме што резултираше со константно водство сè до големиот одмор.
Во третата четвртина, Лејкерс ја стекнаа првата предност после почетните 0-2 и го однесоа мечот во неизвесен финиш.
Од калифорнискиот тим, ЛеБрон Џејмс имаше дабл-дабл од 31 поен и од 14 скокови, а Кармело Ентони (21 поен) и Расел Вестбрук (20 поени) имаа ефикасен поентерски учинок.
На спротивната страна, Црногорецот Никола Вучевиќ направи дабл-дабл од 19 поени и од 13 скокови, а во топ 3 стрелци на Чикаго, заедно до него, беа уште Лонзо Бол (19 кошеви) и ДеМар ДеРоузан (38 кошеви).
Во Западната конференција, Лејкерс (16-15) се наоѓаат на седмото место, додека Чикаго (18-10) е второпласиран на Истокот.