
Во единствениот денешен натпревар од КХЛ, Трактор Чељабинск го порази Кунлун Ред Старс со 0-4 и ја продолжи својата победничка серија на шест натпревари.
Од друга страна, кинеските претставници беа поразени по тринаесетти пат во низа, односно по дваесетти пат на последните дваесет и две пресметки.
Во првата третина, Трактор упати дури деветнаесет шутеви кон голот на Џереми Смит, кој беше стопроцентен во првите дваесет минути.
Сепак, Американецот не успеа сам да го сноси цел товар и во вториот период беше совладан вкупно четири пати.
Стрелци за гостинскиот состав беа Никита Тертишни, Вјачеслав Основин, Алберт Јарулин и Владимир Ткачјов.
На голот на победничкиот состав стоеше Роман Вил, кој со осумнаесет одбрани, дојде до вториот шут-аут во сезоната.
На табелата на Источната конференција, Трактор го зазема самиот врв, додека Кунлун е ,,прицврстен” на дното.




