За првпат после две децении, Торонто Мејпл Лифс успеаја да добијат една плејоф серија и да се пласираат во четвртфиналето.
Имено, Канаѓаните, во осминафиналната фаза, ги добија Тампа Беј Лајтнинг со 4-2, триумфирајќи на шестиот меч со 1-2 после продолжение.
Во втората третина, резултатот го отвори Остон Метјус, а во третиот период, Стивен Стамкос израмни за домаќините и воедно го постигна нивниот последен овосезонски погодок.
Од продолжението беа одиграни дополнителни четири и пол минути пред Мејпл Лифс да дојдат до конечен триумф, благодарение на Џон Таварес.
Во четвртфиналето, Торонто ќе се соочи со победникот од дуелот помеѓу Бостон Бруинс и Флорида Пантерс.
