Во регуларниот дел од сезоната, Бостон Бруинс поставија апсолутен рекорд со неверојатни 135 освоени поени и гол-разлика од 305-177.
Сепак, претставниците на Масачусетс доживеаја шокантна елиминација уште во првата фаза од плејофот.
Имено, во ,,мајсторката”, Флорида Пантерс триумфираа со 3-4 после продолжение и ја добија меѓусебната серија со вкупни 4-3.
На натпреварот, Пантерс поведоа со 0-2, Бруинс направија пресврт на 3-2, а во последната минута, гостите изборија продолжение.
После осум дополнителни минути, конечната победа на Флорида и’ ја донесе Картер Верхеги, а претходно, од неговите соиграчи стрелаа уште Брендон Монтур (х2) и Сем Рајнхарт.
Од друга страна, последните овосезонски погодоци на Бостон беа дело на Давид Крејчи, на Тајлер Бертуци и на Давид Пастрнак.
Во четвртфиналето, Флорида Пантерс ќе се соочат со Торонто Мејпл Лифс, кои ги елиминираа Тампа Беј Лајтнинг со 4-2.
