Во единаесеттото коло од НФЛ, Грин Беј Пекерс загубија од Тенеси Титанс на домашен терен со 17-27.
За Тенеси, ова беше прва меѓусебна победа над Пекерс после 2016, односно прва на ,,Лембо Филд” после 2004.
На мечот, сите поентирања паѓаа по наизменичен редослед со тоа што гостите од Нешвил ја имаа предноста уште од петтата минута.
За Грин Беј, квотербекот Арон Роџерс освои 227 јарди од 24/39 обиди за додавање и уфрли два тачдауни кон Кристијан Вотсон.
На другата страна, Рајан Тенехил имаше 333 јарди од 22/27 прецизни додавања, два тачдауни и еден пресечен пас.
Најдобар поединец кај гостите беше Дерек Хенри со еден истрчан и еден уфрлен тачдаун, а топката во противничката енд-зона ја внесоа уште Донтрел Хилард и Остин Хупер (х2).
Во Националната конференција, Грин Беј (4-7) се наоѓа на ниското единаесетто место, додека Тенеси (7-3) е трет во АФК.
