Првиот меч од новата сезона на финската хокеарска Лиига беше воедно и реприза на финалето од минатото првенство.
Имено, актуелните шампиони, Тапара Тампере, триумфално ја започнаа новата кампања, совладувајќи го ТПС Турку со 3-1.
После втората третина, резултатот гласеше 1-1, откако за домаќините погоди Патрик Вирта, а за ТПС израмни Арту Иломаки.
Во третиот период, Тапара упати вкупно тринаесет шутеви, а од нив, два завршија во противничката мрежа.
Реализатори во завршниот дел од првиот меч беа Валтери Мерела и Петери Пухака.
