Во рамките на осмото коло од шкотскиот Премиершип, екипата на Ст. Мирен приреди огромна сензација и триумфираше над Селтик со 2-0.
За ,,Светците”, ова беше прва меѓусебна победа на домашен терен после 24 март 2010, додека актуелните шампиони го почувствуваа вкусот на поразот за првпат во тековната сезона.
Со исклучок на резултатот, Селтик доминираше во секој статистички аспект: посед на топка (20%-80%), прецизни додавања (83-615), број на шутеви (4-18) и шутеви во рамките на голот (2-4).
Сепак, Ст. Мирен успеа да се одбрани од гостинската опсада и да слави со головите на Марк О’Хара (43′) и на Џонах Ајунга (53′).
На табелата, Селтик остана на првото место, додека Ст. Мирен е третопласиран тим, иако важи за еден од фаворитите за отпаѓање.
