Екипите на Салават Јулаев Уфа и на Металург Магнитогорск ја продолжија својата турнеја на далечниот Исток со победи од по 0-2.
,,Зелените” од Башкортостан триумфираа на гостувањето кај Амур Хабаровск по третпат на последните четири гостински дуели.
За Салават, прецизно стрелаа Иван Дроздов и Николај Кулемин во првата третина во интервал од неполни четири минути, а голманот Илја Ежов (19/19 одбрани) дојде до првиот шут-аут во сезоната.
Во вториот натпревар, неговиот колега од Металург, Васили Кошечкин, имаше 32/32 одбрани за првиот свој овосезонски меч без примен погодок.
Адмирал беше подобар противник од победничкиот состав, но капитулираше во два наврати во првиот период, кога реализираа Јегор Јаковљев и Денис Зернов.
На табелата на Источната конференција, сите четири екипи се наоѓаат во плејоф-зоната со тоа што ги заземаат парните позиции.
