Во единствениот дуел од денешната КХЛ програма, Сочи го совлада Динамо Минск со 4-3 после продолжение.
Во првата третина, двете екипи капитализираа по двапати, додека во вториот период ги затресоа противничките мрежи по еднаш за конечни 3-3 после шеесет минути игра.
Во регуларниот дел, стрелци за Динамо беа Тајлер Граовац, Лукас Бенгтсон и Матијас Теденби.
На спротивната страна, Васили Глотов беше двоен голгетер, а еднаш погоди и Дмитри Колготин, кога е во прашање само периодот од шеесет минути.
Во дополнителниот дел, победничкиот погодок за ,,Леопардите” го постигна Џеј Си Липон после неполни три минути игра.
Во Западната конференција, Сочи го држи десеттото место, додека Динамо Минск остана на седмата позиција.
