Актуелниот шампион на Светскиот куп во нордиска комбинација, Јарл Магнус Риибер, денес ја запиша шестата последователна победа во Лилехамер, Норвешка.
Норвежанецот стигна до овој учинок, откако беше прв после двете денешни серии, притоа истрчувајќи десет километри за 25:40,1 минути.
На втората позиција се пласираше Австриецот Јоханес Лампартер (+13,5), додека третото место му припадна на Германецот Ерик Френцел (+45,6).
Со исклучок на тројцата првопласирани, во топ 5 завршија уште Јенс Лураас Офтебро (+50,9) и Марио Зајдл (+56,1), кои беа единствени со заостаток под една минута.
