Иако влегоа како фаворити во четвртото коло од ирската Премиер дивизија, Ст. Патрик’с Атлетик загубија од Слајго Роверс со 2-1.
Имено, Роверс практично направија сензација, играјќи седумдесет минути со играч помалку, откако Џон Меон заработи директен црвен картон.
До крајот на првото полувреме, домаќините успеаја да дојдат до водство преку Рис Хатчинсон (32′), но гостите израмнија во второто полувреме, благодарение на Кристофер Форестер (62′).
Сепак, провизорното реми на претставниците од Даблин траеше само пет минути, бидејќи трите бода на ,,Шоуграундс” ги остави Фабрис Хартман (67′) со првиот гол во ирскиот фудбал.
На табелата, Слајго изби на четвртото место, додека Ст. Патрик’с падна на осмата позиција.
