Откако синоќа беа надиграни со 129-114 од Минесота Тимбервулвс, Голден Стејт Вориорс дојдоа до шестиот пораз на последните осум пресметки.
Вориорс, иако важеа за фаворити, го загубија мечот во двете парни четвртини, кога Минесота се ,,одлепи” на двоцифрено водство.
Од домашните редови, најефикасен со 39 поени беше Карл-Ентони Таунс, а уште 22 додаде Д’Анџело Расел.
На спротивната страна, Стеф Кари имаше 34 кошеви, а втор стрелец беше Демион Ли со 15.
На Западот, Минесота (34-29) скокна на седмото место, додека Вориорс (43-19) останаа на втората позиција.
