Тампа Беј Лајтнинг дојдоа до шестата победа на последните седум пресметки, откако ги надиграа Детроит Ред Вингс со 3-1.
Иако Лајтнинг важат за огромни фаворити, Ред Вингс сезонава покажаа добра игра на првиот меѓусебен дуел, кој го загубија со 6-7 после продолжение.
Синоќа, Лајтнинг постигнаа еден гол во втората и два во третата третина, а голгетери беа Брејден Поинт, Михаил Сергачјов и Стивен Стамкос.
На спротивната страна погоди само Роби Фабри во вториот дел за тогашно израмнување на 1-1.
Во Источната конференција, Тампа Беј го држи второто место, а Детроит се наоѓа на десеттата позиција.
