Поради воената ситуација помеѓу Русија и Украина, илјадници семејства останаа без покрив над главата и без сигурна иднина.
Голем дел од јавните личност ја покажуваа својата поддршка за овие ранливи категории, но ски скокачот, Халвор Егнер Гранеруд, направи неверојатен потег.
Норвежанецот реши да донира по триесет норвешки круни (околу три евра) за секој поен што ќе го освои до крајот на сезоната во Светскиот куп.
Гранеруд е актуелен шампион во ова натпреварување, а во тековната сезона го зазема третото место во генералниот поредок.
До крајот преостануваат уште шест компетитивни настани, односно максимални шестотини поени за Гранеруд што во превод значи максимални илјада и осумстотини евра донација.
На својот официјален Твитер профил, Гранеруд напиша:
,,Откако неколку дена размислував што да направам, одлучив да донирам по триесет норвешки круни (околу три евра) за секој поен што ќе го освојам во Светскиот куп до крајот на сезоната. Ќе донирам во хуманитарната акција организирана од норвешкиот Црвен крст.”