Спектакуларната увертира на осмото коло го донесе првиот овосезонски пораз на Аризона Кардиналс, кои на домашен терен загубија од Грин Беј Пекерс со 21-24.
Кардиналс влегоа во мечот како апсолутни фаворити, поради фактот дека Грин Беј во своите редови немаше ниеден од првите тројца рисивери (Деванте Адамс, Маркез Валдес-Скентлинг и Ален Лазард), како и уште неколку важни играчи на други позиции.
Токму во овој сегмент се криеше и тајната на Пекерс, кои имаа дури седум различни играчи што фатиле најмалку по еден пас.
Од нив, два тачдауни забележа Рендел Коб, а Арон Џонс освои 51 јард. Џонс одлично ја одигра и улогата на својата природна позиција, ранинг бек, со дополнителни 59 јарди и со еден тачдаун.
Како квотербек, Роџерс освои 184 јарди од 22/37 обиди за додавање и направи два тачдауни, а останатите поени ги постигна шутерот Мејсон Кросби.
Две поентирања, заедно со завршната победоносна акција, беа дело на специјалниот тим, односно на одбраната, кои вратија посед на еден пант, односно пресекоа две противнички додавања преку Хенри Блек и Расал Даглас.
Вината за пресечените додавања, статистички ќе ја сноси квотербекот на Аризона, Кајлер Мареј, кој инаку освои 274 јарди од 22/33 прецизни обиди.
Неговите пасови не беа крунисани со тачдаун, па топката во противничката енд-зона беше трипати внесена со трчањата на Чејс Едмондс и на Џејмс Конер (х2).
Патем, денешната победа на Пекерс беше прва над Аризона на гостински терен, после 3 јануари 2010, која е воедно нивна шеста во низа во тековната сезона.
На табелата на Националната конференција и двете екипи го делат првото место со учинок од 7-1.
Во соработка со НФЛ Македонија
