Сан Франциско 49ерс поврзаа три победи, откако во последниот меч од единаесеттото коло, одигран во Мексико Сити, ги совладаа Аризона Кардиналс со 10-38.
Кардиналс најпрво поведоа со 3-0 преку филд-голот на Мет Пратер, а во втората четвртина, Џејмс Конер ја внесе топката во противничката енд-зона.
Нивниот стартен квотербек, Колт МекКој, имаше 218 јарди од 24/34 обиди и едно пресечено додавање, а неговата замена, Трејс МекСорли уфрли еден пас кон своите ривали и префрли 59 јарди со 6/10 обиди.
На спротивната страна, Џими Гарополо беше одличен со 228 јарди и четири тачдауни, по два кон Џорџ Китл и кон Брендон Ејук, заедно со положувањето со пробивање на Дибо Самуел.
Во Националната конференција, Сан Франциско (6-4) скокнаа на петтото место, додека Кардиналс (4-7) се тринаесетти.
