Серијата од четири победи на Синсинати Редс беше прекината синоќа со поразот од Сан Франциско Џајантс од 4-6.
После седум ининзи, Редс имаа предност од 2-0, но Џајантс постигнаа шест поени во осмиот период, кои им донесоа конечна победа.
Во деветтиот ининг, домаќините дојдоа до два поени, но тоа беше доволно само за ублажување на поразот.
За ,,Црвените”, двапати поентираше Кајл Фармер, а по еднаш Тајлер Наквин и Алберт Алмора Џуниор (хоум-ран).
На спротивната страна, Иван Лонгорија имаше хоум-ран, а по четири бази освоија Томи Ла Стела, Вилмер Флорес, Џок Пидерсон, Брендон Крофорд и Таиро Естрада.
Стартните фрлачи и на двете екипи, Алекс Коб (Џајантс) и Тајлер Мале (Редс), имаа солидна партија со освоени осум страјк-аути.
Во Националната лига, Синсинати (16-31) останаа на дното, додека Сан Франциско (25-21) го зазема шестото место.
