Салават Јулаев Уфа ја запиша петтата победа во низа, откако денес славеше над Авангард Омск со 1-3.
После две третини, ,,Зелените” имаа водство од 0-2, благодарение на двата погодоци на Владислав Картајев.
Сè до последните две минути, голманот на Салават, Андреј Карејев, одбрани 25/25 противнички шутеви и го имаше во раце петтиот овосезонски шут-аут.
Сепак, за ,,расипување” на неговиот учинок, а воедно и за возбудлива завршница се погрижи Рид Бушер, но конечниот резултат го постави Николај Кулемин.
Во Источната конференција, Салават скокна на втората позиција, додека Авангард падна на шестото место.
