По вчерашниот кикс на увертирата на новата сезона од Светскиот куп во нордиска комбинација во Рука (Финска), Јарл Магнус Риибер се врати на победничките патеки.
Имено, актуелниот шампион (24:26,7) беше победник на второто овосезонско натпреварување и испиша историја, станувајќи првиот натпреварувач со педесет победи.
На второто место се пласираше вчерашниот првопласиран и лидер во генералниот поредок, Јулијан Шмид (+10,4), а по третпат во два дена, трет беше Јенс Лураас Офтебро (+12,4).
На четвртото место беше најдобриот скокач во досегашниот дел од сезоната, Рјота Јамамото (+13,3), а пласманот во топ 5 го заокружи Штефан Ретенегер (+18,5).
