Првото натпреварување во Рука (Финска)од Светскиот куп во ски скокови го доби Словенецот Анже Ланишек.
Ланишек дојде до триумфот со скокот од 149 метри во првата серија што претставува нов рекорд на скокалницата.
Второто место му припадна на Штефан Крафт, а третопласиран беше Пјотр Жила пред победникот на првите две изданија во Висла – Давид Кубацки.
Во продолжение, во првите десет се пласираа уште: Мануел Фетнер, Карл Гајгер, Даниел Андре Танде, Мариус Линдвик, Михаел Хајбок и Јохан Андре Форфанг.
Од фаворитите, без поени остана Халвор Егнер Гранеруд, кој беше дисквалификуван.
