ЛА Ремс изборија конференциско финале, откако во втората рунда од плејофот, во спектакуларен меч, ги совладаа Тампа Беј Баканирс со 27-30.
Ремс влегоа во натпреварот на фуриозен начин и при водство од 3-27 во третата четвртина, имаа 99% шанса за изборување триумф.
Сепак, актуелните шампиони не се предадоа и до крајот успеаја да израмнат, пред сè поради четирите изгубени фамбли на своите ривали.
За Том Брејди (329 јарди од 30/54 комплетирања), денешниот заостаток од 24 поени беше втор најголем во неговата кариера, веднаш зад дефицитот од -25 во легендарниот Супер Боул 51.
Сепак, во последните 45 секунди, врската помеѓу Метју Стафорд и Купер Кап му отвори шанса на Мет Геј, кој со филд-гол во последната секунда обезбеди конференциско финале за Ремс.
Стафорд освои 366 јарди од 28/38 прецизни додавања, а притоа додаде за два и истрча за еден тачдаун.
Од неговите соиграчи, топката во енд-зоната ја внесоа горенаведениот Кап (183 јарди) и Кендал Блентон.
На спротивната страна, двапати поентираше Леонард Фурнет, а еден тачдаун запиша Мајк Еванс (119 јарди).
Во последната пречка пред Супер Боул, ЛА Ремс ќе одиграат дерби на Калифорнија против Сан Франциско 49ерс.
Во соработка со НФЛ Македонија
