Во текот на изминатата недела, на тлото на Обединетите Арапски Емирати, се одвиваше петтото издание на велосипедската УАЕ Тур.
До конечен триумф во генералниот пласман на целата турнеја дојде Ремко Евенепоел, кој оствари време од 23:25:26 часа.
За 23-годишниот Белгиец, ова беше јубилејна десетта еднонеделна круна и вкупно дваесетта победа на сите трки од сезоната на Светскиот Тур.
Евенепоел настапува за тимот на ,,Судал-Квик-Степ”, кој победи на тимскиот хронометар, а етапни триумфи остварија уште Тим Мерлие (х2), Еинер Рубио, Хуан Себастијан Молано, Дилан Гроневеген и Адам Јејтс.
Во генералниот пласман, на првите пет места завршија уште Лук Плеп (+0:59), Адам Јејтс (+1:00), Пељо Билбао (+1:03) и Сеп Кус (+2:06).
Што се однесува до останатите конкуренции, најдобар спринтер беше Едвард Планкаерт, а зелената маичка за најмногу поени му припадна на Тим Мерлие.
