По петти пат на последните шест изданија, дербито на пристанишните градови во Англија заврши со нерешен исход.
Имено, во десеттото коло од англиската Лиг 1, Портсмут ремизираше со Плимут Аргајл со 2-2.
Во првото полувреме, Џош Корома (41′) му донесе водство на Портсмут со дебитантскиот погодок во новата средина.
Сепак, Плимут направи експресен пресврт во вториот дел преку автоголот на Шон Регет (74′) и преку голот на Ниал Елис (79′).
Во 90+3′, гостите останаа со играч помалку поради вториот жолт картон на Брендан Галовеј, а играчката предност ја искористи Рико Хекет-Ферчајлд (90+4′), кој го постави конечниот резултат.
Ситуацијата на табелата остана непроменета, односно Портсмут остана на второто, а Плимут на третото место.
