Најефикасниот натпревар од десеттото коло на англиската Лиг 1 го одиграа екипите на Бристол Роверс и на Линколн.
На нивниот прв меѓусебен дуел после една и пол година, Линколн триумфираше на гостински терен со убедливи 3-6.
На полувремето, гостите водеа со 1-3, а двете екипи додадоа уште пет погодоци во вториот дел.
За победничкиот состав, првиот хет-трик во кариерата го постигна Џек Дајамонд (п. 14′, 45+1′, 56′), двапати стрелаше Бен Хаус (7′, 61′), а еднаш – Метју Виртју-Тик (51′).
Од домашните редови, во листата на стрелците влегоа Арон Колинс (18′, 65′) и Рајан Лофт (59′).
Со петтиот овосезонски пораз, Роверс паднаа на дваесет и првото место, додека Линколн се издигна до осмата позиција.
