Во третиот натпревар од овосезонскиот плејоф во НФЛ се соочија Вашингтон ФК и Тампа Беј Баканирс.
Тампа, иако го имаше петтото место во регуларната сезона, успеа да го добие најслабиот противник поради принципот на дивизии.
Синоќа, Баканирс ја оправдаа фаворитската улога и победија со 23-31.
Поените и тачдауните на мечот паѓаа наизменично, но со константна позитива на страната на гостите.
За победничкиот состав, Антонио Браун, Крис Годвин и Леонард Фурнет ја внесоа топката во противничката енд-зона, а Рајан Сакоп ги додаде останатите поени.
Нивниот квотербек, Том Брејди, со 381 освоен јард од 22/40 обиди, дојде до својата рекордна 31. победа во плејофот.
Од друга страна, од редовите на Вашингтон беше елиминиран стартниот квотербек, Алекс Смит, поради повреда, а неговото место го презеде Тејлор Хајники, кој освои вкупно 350 јарди, постигна два тачдауни (по еден со трчање и со додавање), но уфрли и еден пресечен пас.
Освен Хајники, за Вашингтон преку тачдаун поентираа Џеј Ди МекКисик и Стивен Симс, а стопроцентен беше и шутерот Дастин Хопкинс.
📸 CBS Sports
