Првото скокање од мини-турнејата ,,Вилинген 6″, одржана во истоименото германско гратче, беше денес, во склоп на индивидуалните квалификации.
Најдалечен скок од сите имаше Полјакот Клеменс Муранка, кој заврши како петти поради 21,4 поени изгубени на ветерот. Неговото издание од 153 метри е новиот рекорд на скокалницата ,,Миленкопфшанце”.
Неговиот сонародник, Андржеј Стекала, беше пократок за еден метар, но успеа да триумфира со вкупно 135,9 поени.
На второто место се пласира водечкиот во генералниот пласман, Халвор Егнер Гранеруд, а третопласиран беше Маркус Ајзенбихлер.
Освен нив, пласман во првите десет изборија уште Даниел Андре Танде, Пјотр Жила, Давид Кубацки, Јан Херл, Грегор Дешванден и Јукија Сато.
📸 Agencja Gazeta
