По вторпат во последните четири дена, Портланд Трејл Блејзерс триумфираа над Сакраменто Кингс. По иницијалниот пораз од 99-125, претставниците на Калифорнија, синоќа, беа надиграни со 126-132.
Во текот на првите три четвртини, Кингс имаа резултатска позитивна што во одредени моменти беше двоцифрена. Сепак, во последниот квартал, Трејл Блејзерс дојдоа до триумфот.
На овој меч, кошаркарите на Портланд го израмнија рекордот на франшизата со 23 погодени шутеви за три поени.
Три играчи на победничкиот состав направија дабл-дабл, од кои, најефикасен беше Демиен Лилард со 40 поени и со 13 асистенции. Освен него, одлични беа Си Џеј МекКалум (28 поени и 10 асистенции) и Јусуф Нуркиќ (18 поени и 12 скокови).
Во составот на ,,Кралевите”, ДеАрон Фокс уфрли 29 поени со по 6 скокови и асистенции.
За Портланд (7-4), ова е четврта победа во низа, доволна за петтото место на Западот, додека Сакраменто, со 5-7, е дванаесетти во истата конференција.
📸 Rich Pedroncelli – staff, AP
