Најстарото дерби во НХЛ, по 18. пат во историјата, беше еден од воведните натпревари во сезоната.
Имено, Торонто Мејпл Лифс ја пречекаа екипата на Монтреал Канадиенс во натпревар што беше решен после продолжение со 5-4 во корист на домаќините.
Во првата третина, Ник Сузуки и Џош Андерсон им донесоа водство на Канадиенс во два наврати, откако Вилијам Ниландер во меѓувреме израмни на 1-1. За Андерсон, ова беше дебитантски гол на дебитантскиот меч во дресот на француските ,,Канаѓани”.
Во вториот дел, Томаш Татар зголеми на 1-корист на Монтреал, а со два ,,пауер-плеј” голови во завршните минути, Ниландер и Џон Таварес израмнија на 3-3.
Во третиот период, двете екипи по еднаш ја затресоа противничката мрежа. За гостите, по вторпат погоди Андерсон, додека за домаќините стрелаше Џими Весеј на дебито во синиот дрес.
После неполни три и пол минути во продолжението, долгогодишниот член на ,,Јаворовите листови”, Морган Рајли, им ја донесе победата на Мејпл Лифс.
📸 Kevin Sousa/NHLI via Getty Images
