Во увертирата на четвртото коло од италијанската Серија Б, Каљари ја совлада Модена со минимални 1-0.
Домаќините од Сардинија доминираа во текот на цел натпревар и успешно ја оправдаа фаворитската улога.
Стрелец на единствениот погодок на натпреварот беше Хрватот Марко Рог (28′), кој стрелаше за првпат после сезоната 2019/20.
На табелата, со натпревар повеќе во однос на конкурентите, Каљари скокна на третото, а Модена остана на петнаесеттото место.
