За првпат после 1 јануари 1995, кога Њу Ингланд Патриотс беа совладани со 20-13, екипата на Кливленд Браунс успеа да оствари победа во плејофот.
Имено, ,,кафеавите” синоќа беа подобри од дивизиските ривали, Питсбург Стилерс, со 37-48 во натпревар каде што имаа резултатска позитива уште од самиот старт.
Уште при воведните акции, Стилерс направија сериозна грешка во изведувањето на топката што резултираше со противнички тачдаун на Карл Џозеф.
Освен него, Кливленд постигна уште три тачдауни во првата четвртина за капитална предност од 0-21, а поентери беа Џарвис Лендри и Карим Хант (×2).
На полувремето, резултатот гласеше 10-35, откако Џејмс Конер и Крис Босвел додадоа поени за Стилерс, а Остин Хупер за Браунс во втората четвртина. Со овие цифри, Браунс влегоа во историјата како најефикасен гостински тим во плејофот во првото полувреме од еден натпревар.
Во второто полувреме, поразот на Питсбург го ублажија Ерик Иброн, ЏуЏу Смит-Шустер и Чејс Клејпул (×2), а Ник Чаб и Коди Парки постигнаа поени на спротивната страна.
Сезоната на Стилерс што почна со серија од 11-0 заврши неочекувано уште во вајлд-кард рундата во плејофот.
Од друга страна, Браунс, наредниот викенд, во конференциското полуфинале, ќе се соочат против актуелните шампиони – Канзас Сити Чифс.
📸 Sportsnet
Во соработка со НФЛ Македонија
