После шесте победи на првите шест трки од втората сезона во историјата на Светскиот куп во нордиска комбинација во женска конкуренција, Гида Вестволд Хансен го обезбеди кристалниот глобус.
Норвежанката денес учествуваше на првата трка од последниот натпреварувачки викенд во Шонах (Германија), но остана без поени.
Имено, до првата победа во кариерата дојде Јапонката Анју Накамура (14:22,3), која надомести цели 58 секунди во втората серија.
Нејзината сонародничка, Харука Касаи (+11,1) заврши како второпласирана, откако ја одбрани втората позиција од скокачкиот дел.
Лидерката после скоковите и новата светска јуниорска шампионка, Аника Зиф (+39,2), го освои вториот овосезонски подиум со денешното трето место.
Во продолжение, заостаток под една минута имаа уште Норвежанката Ида Марие Хаген (+46,6) и Словенката Ема Волавшек (+46,9).
