Со синоќешната победа од 3-1, Детроит Ред Вингс дојдоа до првиот триумф на домашен терен над Вашингтон Капиталс после цели пет и пол години.
На почетокот се чинеше дека Капиталс ќе ја продолжат својата серија, откако Александер Овечкин погоди за водство од 0-1 во втората третина.
Сепак, домаќините брзо израмнија преку Лукас Рејмонд, а триумфот им го донесоа Ендру Коп и Дилан Ларкин во последните четири минути.
Во Источната конференција, Детроит скокна на десеттото место, спуштајќи го Вашингтон на дванаесеттата позиција.
