По мини-серијата од два порази, Тампа Беј Баканирс славеа над Њујорк Џајантс со 30-10 во последниот натпревар од единаесеттото коло.
Овој меч стана прв во историјата на кој еден тачдаун и едно пресечено додавање беа дело на играчи потешки од 300 фунти (136 кг).
Даниел Џонс, иако освои 167 јарди, стана првиот квотербек на Џајантс, кој уфрлил тачдаун и пресечен пас кон играчи од офанзивната/дефанзивната линија на една средба.
Единственото негово додавање за шест поени беше наменето за Ендру Томас (143 кг), додека еден од двата пресечени пасеви заврши во рацете на Стив МекЛендон (141 кг).
Предводникот на нападот на Тампа, Том Брејди, освои 307 јарди од 30/46 прецизни фрлања, а од неговите соиграчи, тачдаун постигнаа Крис Годвин, Роналд Џонс и Мајк Еванс.
Во пресрет на дванаесеттото коло, Тампа Беј (7-3) го држи третото место во НФК, додека Џајантс (3-7) се наоѓаат на четиринаесеттата позиција.
Во соработка со НФЛ Македонија
